مُدرّسة بتذاكر مع ابنك بالصوت… وبالمصريبكتاب الوزارة درس درس — اختار مسار مدرسته
شرح وتعلّم بالعربي: بتشرح بالعامية ومصطلحات الكتاب بالفصحى، وتجرّب معاه على الشاشة.
تعلّم ومارس اللغة: المواد بالإنجليزي زي الكتاب، والشرح بالمصري — وتقدر تزوّد الإنجليزي في الشرح.
الحصة بتمشي إزاي
كل درس من كتاب المدرسة بيتعمل حصة كاملة على الشاشة، والطفل بيذاكر كأن المُدرّسة قاعدة جنبه.
- 🎬«حكاية الدرس» الأولفيديو أنيميشن قصير بيحكي فكرة الدرس قبل الشرح.
- 🗣تشرح قبل ما تسألبالعامية، وبمصطلحات الكتاب، ومش بتسأله عن حاجة قبل ما تشرحها.
- 🧪يجرّب بإيدهميكروسكوب، دراع وعضلات، ميزان، مجسّمات — يحرّك ويرتّب ويقيس ويكتشف.
- ✍️يتدرّب زي الكتابأسئلة زي الامتحان، و«مش فاهم» بتعيد الشرح بطريقة أبسط.
- 📊تقرير لولي الأمرفهم إيه، اتلخبط في إيه، ومحتاج يذاكر إيه — على الشاشة وعلى الواتساب.

تلات طرق للمذاكرة
كل درس ليه تلات أبواب — ابنك يختار على حسب يومه.
مش بس بتشرح… بتاخد بالها منه
من جوّه البرنامج
صور حقيقية من البرنامج — بهوية كل مسار.





الصفوف والمواد الجاهزة
الترم الأول كامل، والترم التاني بينزل مع انطلاقته.
أبلة ذكيّة — المسار العربي
| خامسة ابتدائي | العلوم · الرياضيات |
Mrs. Zakia — مسار اللغات
| خامسة ابتدائي | Science · Math · English |
جرّب دلوقتي ببلاش 🎁
بنجهّز لانطلاقة كبيرة مع الترم التاني 🚀 — الأسعار والباقات هتتعلن قريب. لحد ما نعلن، جرّب 7 أيام من غير ما تدفع حاجة.
- 🔊 كل درس متشرح بصوت الأبلة + زرار «مش فاهم» بيشرحه تاني بطريقة أبسط.
- 🧪 المعامل والتجارب والألعاب والتدريب زي الكتاب.
- 📊 تقييم الطالب في كل مهارة، وتقرير لولي الأمر على الواتساب.
- 👨👧 الإخوات في نفس البيت بيتسجلوا مع بعض، وكل واحد على صفه بتقريره.
التجربة من غير أي بيانات دفع — وأول ما الأسعار تتعلن هنقولك على الواتساب.
تبدأ إزاي
- ابعتلنا على الواتساب«عايز التجربة المجانية» — وقولنا الصف والمسار، وكود التفعيل بيوصلك في نفس الشات.
- افتح البرنامجمن المتصفح على ablazakia.com، أو حمّل تطبيق الأندرويد، أو ضيفه لشاشة الآيفون.
- اكتب الكودواختار المسار والصف، والأبلة تبدأ مع ابنك من أول درس.
أسئلة بتتسأل كتير
إيه الفرق بين أبلة ذكيّة و Mrs. Zakia؟
هما نفس المُدرّسة ونفس طريقة الشرح، بس كل واحدة لمسار: «أبلة ذكيّة» للمدارس العربي (المواد بالعربي)، و«Mrs. Zakia» لمدارس اللغات (المواد بالإنجليزي زي الكتاب، والشرح بالمصري).
محتاج أجهزة إيه؟
تابلت أو لابتوب أو موبايل فيه مايك ونت كويس، والأحسن سماعات فيها مايك. الشاشة الكبيرة أريح للتجارب والأنشطة. الكاميرا اختيارية على التابلت واللابتوب: بتساعد الأبلة تشوف الكشكول والتجارب.
ينفع على الموبايل أو الآيفون؟
ينفع. على الأندرويد فيه تطبيق، وعلى الآيفون والآيباد بتضيفه للشاشة الرئيسية من Safari فيبقى زي التطبيق — الخطوات في صفحة التحميل.
هي بتتكلم إنجليزي ولا عربي؟
في المسار العربي: بالعامية المصرية ومصطلحات الكتاب بالفصحى. في مسار اللغات: بالعامية والمصطلحات بالإنجليزي زي الكتاب، وولي الأمر يقدر يزوّد الإنجليزي في الشرح من الإعدادات.
إيه الفرق بين «ذاكر بنفسك» و«ذاكر مع الأبلة»؟
«ذاكر بنفسك» فيه كل الدروس بشرح صوتي مسجّل بصوت الأبلة والتجارب والتدريب — من غير حد، وده اللي في التجربة المجانية. «ذاكر مع الأبلة» إضافة: بتتكلم مع ابنك لايف، بتسمعه وترد عليه — التفاصيل هتتعلن مع انطلاقة الترم التاني.
لو عندي أكتر من طفل؟
الإخوات في نفس البيت بيتسجلوا مع بعض، وكل واحد بيذاكر منهج صفه ومساره وليه تقريره.
هعرف إزاي ابني ماشي إزاي؟
تقرير ولي الأمر فيه المستوى العام ونسبة كل مادة، وتفاصيل كل درس، و«محتاج مذاكرة» مع خطة، ويتطبع ورقة A4. وعلى الواتساب ملخص بعد كل درس وتنبيه لو محتاجك — وإنت بتختار إيه يوصلك.
الدروس بتتراجع إزاي؟
كل درس بيتجرّب قبل ما ينزل مع «طالب تجريبي» بالذكاء الاصطناعي بشخصيات مختلفة، ومراجع تربوي بيراجع الدقة حسب كتاب الوزارة والأسلوب. ولو لقيت أي حاجة، فيه زرار ⚠️ جوه البرنامج بيوصّلها لنا فورًا.