سياسة الخصوصية
آخر تحديث: 18 نوفمبر 2026
مين إحنا
«أبلة ذكيّة» معلّمة بالذكاء الاصطناعي بتذاكر مع طلاب المدارس (المنهج المصري التجريبي) بالصوت، على الموقع ablazakia.com، ومعاها مساعد آلي على واتساب على الرقم +966 57 393 4373. الخدمة بتقدّمها شركة الأبلة الذكية للخدمات التعليمية (شركة ذات مسئولية محدودة)، سجل تجاري رقم 64232 — مكتب سجل تجاري استثمار 6 أكتوبر، وعنوانها: وحدة رقم 4، كمباوند مشارق المقام، القطعة 76، منطقة جنوب الأحياء، مدينة 6 أكتوبر، الجيزة، مصر.
باختصار: بنجمع أقل بيانات محتاجينها علشان نشغّل الحصة ونبعت التقرير لولي الأمر. مش بنسجّل صوت الطفل ولا بنحفظ صوره، ومش بنبيع أي بيانات، ومفيش إعلانات. نص الحصة المكتوب بنحفظه 14 يوم بس علشان نحسّن الشرح.
البيانات اللي بنجمعها
- بيانات ولي الأمر: الاسم، ورقم الموبايل أو الواتساب، والإيميل لو كتبه، والبلد، والباقة اللي اختارها.
- بيانات الطفل: الاسم الأول بس، وولد أو بنت، والصف والمادة. مش بنطلب اسم الطفل الكامل ولا عمره ولا صوره.
- تقدّم الطالب: الدروس اللي خلّصها، ونتايج الأنشطة والأسئلة، والكؤوس، وملاحظات قصيرة بتكتبها المعلّمة لولي الأمر بعد كل درس.
- استخدام الصوت: عدد الدقايق وتكلفتها التقديرية والدروس اللي اتذاكرت في كل حصة (علشان الرصيد والفاتورة). نص الحصة مكتوب (كلام المعلّمة، وكلام الطفل زي ما الخدمة فهمته، والخطوات ونتايجها) بنحفظه 14 يوم بس علشان نراجع جودة الشرح ونصلّح غلطات المعلّمة، وبعدها بيتمسح لوحده. ده نص مكتوب بس — مش تسجيل صوت.
- محادثة الواتساب: رقمك واسمك على واتساب، وآخر الرسايل في المحادثة (علشان نكمّل معاك ونرد عليك)، وصورة إيصال التحويل لو بعتها.
- الموافقة على الشروط: وقت الموافقة ونسختها، والجهاز، وعنوان الـ IP، ونوع المتصفح — علشان يبقى عندنا إثبات إن ولي الأمر وافق.
- على جهازك: المتصفح بيحفظ الإعدادات والتقدم وكود الجهاز علشان البرنامج يفتكرك. ده بيتمسح لو مسحت بيانات المتصفح.
الصوت والكاميرا
- أثناء الحصة، صوت الطفل (وصورة الكاميرا لو مفتوحة) بيتبعتوا مباشرة ولحظيًا لخدمة Google Gemini علشان المعلّمة تسمع وترد. مش بنسجّل الصوت ولا بنحفظ أي صورة.
- الكاميرا بتستخدم بس علشان المعلّمة تعرف الطفل مركّز ولا لأ، أو تقرا اللي كتبه في الكشكول لما يرفعه. ممنوع عليها تعلّق على شكل الطفل أو الأوضة أو أي حد تاني.
- ولي الأمر يقدر يقفل الكاميرا من الإعدادات، والبرنامج بيشتغل من غيرها.
بنستخدم البيانات في إيه
- تشغيل الحصص، وحفظ تقدّم كل طفل، وعرض تقرير ولي الأمر.
- تسجيل طلبات الاشتراك، ومراجعة التحويل، وإرسال كود التفعيل.
- الرد على أسئلتك على الواتساب. المساعد الآلي بيستخدم Google Gemini علشان يفهم سؤالك ويرد في حدود معلومات «أبلة ذكيّة» بس.
- حساب دقايق الصوت والرصيد، وتحسين البرنامج.
مش بنبيع بياناتك، ومش بنستخدمها في إعلانات، ومش بنبعتلك رسايل تسويقية على الواتساب غير لو وافقت.
مين بيعالج البيانات معانا
- Google Cloud و Firebase: الاستضافة وقاعدة البيانات، على خوادم Google في أوروبا.
- Google Gemini API: صوت المعلّمة وفهم الكلام والكاميرا، وردود المساعد على الواتساب.
- Meta (WhatsApp Business Platform): توصيل رسايل الواتساب.
كل خدمة فيهم بتعالج البيانات حسب شروطها وسياسة الخصوصية بتاعتها.
الدفع
الدفع بيبقى بالجنيه المصري بتحويل لحساب بنكي مصري أو InstaPay، وبعدها بتبعت صورة الإيصال. عمرنا ما بنطلب بيانات كارت أو باسوورد أو أكواد بنكية، ولو حد طلبها منك باسمنا متديهاش.
الأطفال
البرنامج معمول للأطفال، بس ولي الأمر هو اللي بيشترك وبيدّي البيانات وبيوافق على استخدام الطفل ليه، وهو اللي يقدر يتابع كل حاجة من تقرير ولي الأمر بالرقم السري. بنطلب أقل بيانات عن الطفل (الاسم الأول والصف)، ومش بنطلب صور للطفل على الواتساب.
مدة الحفظ وحذف البيانات
- بيانات الحساب والتقدّم بتفضل محفوظة طول ما الحساب شغّال، علشان الطفل يكمّل من مكانه.
- نص الحصص المكتوب: 14 يوم من الحصة وبعدها بيتمسح أوتوماتيك.
- محادثة الواتساب: بنحتفظ بآخر الرسايل بس. وصور الإيصالات بتفضل عند واتساب لحد 30 يوم، وممكن نحتفظ بنسخة للمراجعة والحسابات.
- حذف الحساب وكل بياناته: من جوه تطبيق أبلة ذكيّة على Google Play («لولي الأمر» ← الرقم السري ← «🗑 حذف الحساب»)، أو من صفحة ablazakia.com/delete.html بكود التفعيل والرقم السري، أو برسالة «احذف بياناتي» على الواتساب +966 57 393 4373 من نفس الرقم المسجّل. الحساب بيقف فورًا، وبعد 7 أيام بنمسح نهائيًا الحساب والطلاب وتقدّمهم وملاحظات الأبلة والتقارير ونص الحصص وبلاغات المشاكل ومحادثة الواتساب (الـ 7 أيام علشان لو الطلب كان بالغلط). بيفضل بس سجل الدفع (المبلغ والتاريخ والباقة ورقم ولي الأمر) علشان الحسابات والضرايب، من غير اسم الطفل أو صفه أو مدرسته.
- تقدر كمان تطلب نسخة من بياناتك أو تصحيحها بنفس الطريقة.
الأمان
الاتصال كله مشفّر (HTTPS)، والمفاتيح السرية على السيرفر بس ومش بتوصل للمتصفح، والرقم السري لولي الأمر بيتحفظ مشفّر (hash). ومع ذلك مفيش نظام آمن 100%، فلو حسيت بأي مشكلة كلّمنا على طول.
التغييرات والتواصل
لو غيّرنا السياسة دي هنحدّث التاريخ اللي فوق. لأي سؤال عن الخصوصية: واتساب +966 57 393 4373 أو إيميل info@ablazakia.com.
Privacy Policy
Last updated: 18 November 2026
Who we are
"Abla Zakia" (أبلة ذكيّة) is an AI voice tutor for school students (Egyptian experimental curriculum), available at ablazakia.com, with an automated WhatsApp assistant on +966 57 393 4373. The service is operated by Al Abla Al Zakiya for Educational Services LLC (الأبلة الذكية للخدمات التعليمية — limited liability company), Commercial Register no. 64232, 6th of October Investment Commercial Register Office. Address: Unit 4, Mashareq El Maqam Compound, Plot 76, South Districts, 6th of October City, Giza, Egypt.
In short: we collect the minimum data needed to run lessons and report to parents. We do not record children's voices or store their pictures, we do not sell data, and there are no ads. The written text of a lesson is kept for 14 days only, to improve the teaching.
Data we collect
- Parent: name, mobile / WhatsApp number, e-mail (optional), country and chosen package.
- Child: first name only, boy or girl, grade and subject. We do not ask for the child's full name, age or photos.
- Learning progress: lessons completed, activity and quiz results, trophies, and short notes the tutor writes for the parent after each lesson.
- Voice usage: minutes used, estimated cost and lessons studied per session (for the balance and billing). The written text of the lesson (what the tutor said, what the child said as the service understood it, and the steps and their results) is kept for 14 days only so we can review the teaching and fix the tutor's mistakes; then it is deleted automatically. It is text only — not an audio recording.
- WhatsApp: your number and WhatsApp profile name, the recent messages of the conversation (to continue and answer you), and the transfer receipt image if you send one.
- Terms acceptance: the time and version of the acceptance, the device, IP address and browser type — as proof that the parent agreed.
- On your device: the browser keeps settings, progress and a device token so the app remembers you. Clearing browser data removes them.
Microphone and camera
- During a lesson, the child's voice (and the camera picture, if on) is streamed in real time to Google Gemini so the tutor can listen and reply. We do not record audio or keep any picture.
- The camera is only used to notice whether the child is paying attention, or to read a notebook the child holds up. The tutor never comments on the child's looks, the room or other people.
- Parents can turn the camera off in the settings; the app works without it.
How we use data
- To run lessons, save each child's progress and show the parent report.
- To handle sign-up requests, verify transfers and send the activation code.
- To answer questions on WhatsApp. The assistant uses Google Gemini to understand questions and only answers about Abla Zakia.
- To count voice minutes and balances, and to improve the service.
We do not sell your data, do not use it for advertising, and do not send marketing messages on WhatsApp without your consent.
Service providers
- Google Cloud and Firebase: hosting and database, on Google servers in Europe.
- Google Gemini API: the tutor's voice, speech and camera understanding, and the WhatsApp assistant's replies.
- Meta (WhatsApp Business Platform): delivering WhatsApp messages.
Each provider processes data under its own terms and privacy policy.
Payments
Payment is in Egyptian pounds by transfer to an Egyptian bank account or InstaPay, followed by a photo of the receipt. We never ask for card details, passwords or bank codes.
Children
The service is made for children, but the parent signs up, provides the data and agrees to the child's use, and can follow everything in the PIN-protected parent report. We collect minimal data about the child (first name and grade) and do not ask for photos of the child on WhatsApp.
Retention and data deletion
- Account and progress data are kept while the account is active, so the child can continue where they stopped.
- Lesson text: 14 days from the lesson, then deleted automatically.
- WhatsApp: we keep only the recent messages of a conversation. Receipt images are held by WhatsApp for up to 30 days, and we may keep a copy for verification and accounting.
- Deleting the account and all its data: in the Google Play app («لولي الأمر» → PIN → «🗑 حذف الحساب»), on ablazakia.com/delete.html with the activation code and parent PIN, or by sending "delete my data" on WhatsApp to +966 57 393 4373 from the registered number. The account stops at once; after 7 days we permanently delete the account, the students and their progress, the tutor's notes, reports, lesson text, bug reports and the WhatsApp conversation (the 7 days let a mistaken request be undone). Only the payment record (amount, date, package, parent's phone) is kept for accounting and tax law, without the child's name, grade or school.
- You can also ask for a copy of your data or a correction the same way.
Security
All traffic is encrypted (HTTPS), secret keys stay on the server and never reach the browser, and the parent PIN is stored hashed. No system is 100% secure; contact us right away if you notice a problem.
Changes and contact
If we change this policy we will update the date above. For any privacy question: WhatsApp +966 57 393 4373 or e-mail info@ablazakia.com.